Concurso fotográfico

O Fondo Galego de Cooperación e Solidariedade organiza o concurso fotográfico ‘Imaxes con Fondo’, aberto a calquera persoa maior de 12 anos de idade e residente en Galicia.

‘Imaxes con Fondo’ pretende ser unha ferramenta que promova a reflexión, o pensamento crítico e un cambio de actitude na cidadanía, apostando por condutas solidarias e respectuosas co entorno e coas persoas que nel habitan.

• Categoría xuvenil (de 13 a 17 anos, ambos inclusive): As/os concursantes deberán achegar fotografías nas que se amose a solidariedade na nosa sociedade, entendido como un dos valores fundamentais e universais nos que deberían basearse as relacións entre os pobos e as persoas.
• Categoría adultas/os (de 18 anos en adiante): As/os concursantes deberán achegar imaxes que amosen como algunhas prácticas na nosa sociedade (tanto de persoas particulares coma de empresas e gobernos) repercuten negativamente nas poboacións dos países do sur de forma directa ou de forma indirecta, de cara a denunciar as iniquidades entre o norte e o sur que obstaculizan o desenvolvemento humano.

Premios: (Haberá só un premio por categoría)

- Categoría xuvenil: unha cámara fotográfica Canon EOS 1100 + Obxectivo EF-S 18-55 mm (ou similar) e un lote de produtos de comercio xusto, valorado todo en 450€.

-  Categoría adultas/os: unha viaxe (inclúe billetes de avión e aloxamento) a un dos proxectos do Fondo Galego de Cooperación e Solidariedade en Cabo Verde, co obxectivo e compromiso de realizar un traballo fotográfico para o arquivo do Fondo Galego a modo de acción voluntaria. A viaxe ao terreo será realizada no 2013 e terá entre 15 días e un mes de duración.

Bases: http://fondogalego.org/web/imaxes_con_fondo

Rallye Ourense

O "rallye Ourense" volverá un ano máis ó noso concello. O tramo coñecido como San Pedro de Rocas, que xa é un clásico deste rallye disputarase ás 9:28 horas e ás 12:32 horas.

http://www.rallyeourense.es/45edicion/descargas/123seccion.pdf

Fotos da VI andaina popular de Esgos e da VI Subida Rocas - O Eirado

O pasado domingo celebrouse en Esgos o Campionato Galego de Montaña e a carreira "Subida Rocas - O Eirado" na que participaron máis de 250 atletas.

Ivan Docampo da Soc. Gimnastica de Pontevedra e Purificacion Bermudez do Noteibra foron proclamados campións galegos de Montaña.

Paralela a esta proba desenvolveuse a VI andaina popular do concello na que participaron 200 persoas. 

A continuación deixamos enlaces ás fotografías:

Fotos da andaina

Fotos da carreira

Fotos da comida e entrega de premios

Acción de verán

'Acción de Verán' é un programa de actividades de lecer e de voluntariado que ten lugar durante os meses de xullo e agosto. 

Está dirixido a todos aqueles mozos e mozas que desexen pasar un verán diferente, cooperando en iniciativas sociais ou compartindo experiencias con outros rapaces en campamentos de todo o estado. Son unha forma económica e divertida de axudar e gozar. 

Pódese consultar toda a información en: http://xuventude.xunta.es/accion-de-veran.html

VI andaina e VI Subida Rocas - O Eirado

O domingo 10 de xuño disputarase en Esgos a carreira de montaña "VI Subida Rocas- O Eirado". A carreira, de 13 km, seguirá o mesmo percorrido ca en anos anteriores. A andaina (20 km) sairá de Esgos e pasará pola Meiroá, o mosteiro de San Pedro de Rocas, Arcos, Virxe do Monte, Pensos, Fondo de Vila, Casanova, Rebolar, Melón e rematará en Esgos.

Pode consultarse toda a información en: http://www.concelloesgos.com/index.php?id=165.

17 de maio: dia de...

O xoves, 17 de maio celébrase o Dia das Letras Galegas, adicado este ano a Valentín Paz Andrade,  e tamén o Dia de Internet.

Dende a aquí queremos invitarvos a que o celebredes con nós: pásate pola biblioteca a ler, navegar por internet, xogar, etc.

Agardámoste!!

Fotos das clases de aerobic

A Asociación de Veciños Rocas está a impartir clases de aerobic para todos aqueles veciños que queiran practicar deporte.

As clases son os martes e xoves de 21 a 22 horas no local social de Vilar. 

Se queres participar aínda estás a tempo, anímate!!!

Axuda para sacar o carné de conducir

A Consellería de Traballo e Benestar, a través da Dirección Xeral de Xuventude e Voluntariado, co obxectivo de mellorar a empregabilidade dos mozos e mozas e de fomentar unha conducción segura e responsable, pon ó alcance dos mozos entre 18 e 30 anos a obtención do carné de conducir, mediante unha axuda de 200 euros.

Requisitos:

• Ser titular do carné xove
• Estar en situación de desemprego, cunha antigüidade mínima de 6 meses
• Non ter a unidade familiar ingresos superiores a 2,5 veces o IPREM
• Obter o carné de conducir entre o 1 de xaneiro e o 15 de outubro 
• Superar con éxito un curso gratuíto de educación viaria organizado pola DXXV.

Máis información en www.xuventude.net

Comunícate!,

O pasado venres celebrouse en Esgos o obradoiro práctico "COMUNICATE!" do programa "Activa" da Dirección Xeral de Xuventude e Voluntariado no que participaron 15 mozos/as.

Ó longo dunha hora e media tratáronse temas como: a comunicación verbal e non verbal, a importancia de saber transmitir, cómo transmitir ideas, a xesticulación, o movemento, etc.

Os asistentes recibirán un diploma da DXXV.

Obradoiro: Comunícate!

A Dirección Xeral de Xuventude e Voluntariado puxo en marcha o proxecto "ACTIVA" dirixido á mocidade galega. Este programa pretende facer chegar á mocidade, a través dun obradoiro práctico e dinámico, tanto a información sobre os recursos dispoñibles dende a DXXV como formación que lles poda axudar de cara a un futuro.

Dentro dos obradoiros que se ofertan neste programa vaise levar a cabo en Esgos o denominado "Comunícate".

• Lugar: Local social de Esgos
• Data: Venres 20 de abril
• Horario: 17.30 horas.

Nestre obradoiro tratarans temas como: a comunicación verbal e non verbal, a importancia de saber transmitir, cómo transmitir ideas, xesticulación, movemento, estratexias para perder o medo escénico, etc.

Todos os mozos interesados en participar deberán anotarse na biblioteca ou no concello.