A Dirección Xeral de Xuventude e Voluntariado, convoca, unha vez máis, a
Campaña de Verán 2011, para favorecer que a xuventude empregue parte do seu tempo vacacional en actividades de carácter lúdico, cultural, deportivo e formativo, ademais de ofrecer a posibilidade de coñecer outros territorios da xeografía nacional.
'Acción de Verán' é un programa de actividades que ten lugar durante os meses de xullo e agosto, dirixido a todos aqueles mozos e mozas de entre 9 e 35 anos que desexen pasar un verán diferente, cooperando en iniciativas sociais ou compartindo experiencias con outros rapaces en campamentos de todo o estado.
- Dos 9 aos 17 anos: Campamentos en toda a comunidade.
- Dos 18 aos 35 anos: Aventura e deporte, multiaventura, rutas de kaiak, ruta embarcacións tradicionais, navegación en barco pesqueiro e fins de semana nas illas Cíes.
A asociación de mulleres rurais "Os Picotiños" convoca ás súas socias a participar nun curso de aerobic que se impartirá os martes e xoves de 21 a 22 horas no local social de Vilar.
O domingo de entroido comezou co percorrido dos felos polos pobos do concello. Ás cinco da tarde, a cita era na praza da Souteira para ver o desfile e o concurso.
O martes 8 de marzo celébrase o "Dia da Muller" baixo o lema "Vivir a diferenza garantir a igualdade"
Para festexar este día, a asociación de mulleres rurais "Os Picotiños" está a organizar unha Xuntanza de Mulleres do Concello de Esgos no Restaurante Los Caracoles.