A Ribeira Sacra en Cuatro

O pasado sábado no programa "Tu vista favorita" que se emite en Cuatro ás 21:30 horas, Adolfo Dominguez promocionou a Ribeira Sacra.

Das catro vistas que se emitiron o sábado a "vista favorita" que consiga mais votos será finalista e parcipará na seguinte ronda.
Para votar pola Ribeira Sacra chama ó 905446447 ou envía un SMS coa palabra VISTA SACRA ó 27244. As votacións pecharanse o venres ás 12h. Máis información sobre as votacións.

No vídeo do programa completo pódese ver a reportaxe sobre a Ribeira Sacra a partir do minuto 29.

Fonte: www.cuatro.com

Conferencia "Alimentacion saludable"

Data: 23 de outubro
Lugar: Escola de Hosteleria de Vilamarín

• 17:00 h: Mesa "Alimentación saludable"

Conferencia: D. Tomás Alonso, presentador da TVG do programa "Larpeiros"

• 18:00 h: Mesa "Beneficios dos productos da comarca para a saúde"

• 19:00 h: Taller práctico

• 19:30 h: Visita guiada polo Director ás instalacións da Escola de Hostelería

Organiza: Rede Ourensá de Mulleres Populares, Partido Popular

Preparando o magosto 2010

Comezan os preparativos do magosto 2010 do concello de Esgos.

A comida a base de castañas, empanada, churrasco, chourizos, pan, viño, refrescos e bica estará amenizada polos gaiteiros "Airiños de Caldelas".

Nos vindeiros días poñeranse á venda as entradas nas asociacións de veciños, nos bares e tendas a un prezo de 6 euros por persoa.

• Día: Domingo, 7 de novembro
• Hora: 13.00 horas
• Lugar: Praza da Souteira, en Esgos

Curso gaita e percusión

Comeza unha nova edición do "Curso de Gaita e Percusión".

O sábado 2 de outubro haberá unha reunión informativa no local que a banda de gaitas de Esgos ten no Pinto para organizar o novo curso.

Máis información nas oficinas do concello.

EDUCAMÓBIL

O vehículo "EDUCAMOBIL" volverá a visitar o concello de Esgos a vindeira semana.
Todos os rapaces de entre 4 e 11 anos que o desexen, poderán achegarse ó autobús e disfrutar de xogos informáticos e de lecer totalmente gratis.

• Dia: martes 5 de outubro
• Hora: 17:00 a 20:00 horas
• Lugar: ó carón do local social de Vilar

O proxecto "EDUCAMOBIL" posto en marcha pola Deputación Provincial de Ourense e a Fundación SEUR é unha alternativa á ocupación do tempo de ocio e de lecer a través do xogo, a lectura, a música e as novas tecnoloxías. Todas estas actividades desenvólvense dentro dun vehículo equipado con ordenadores, música, xogos supervisado por persoal cualificado.

Taller de exercitación da memoria

Un ano máis dende o Concello vaise a realizar un obradoiro de memoria, que comezará a primeira semana de outubro.

Este obradoiro vai englobar diferentes temas como: Talleres de exercitación de memoria, nutrición, relaxación, respiración...

O obradoiro que é totalmente gratuíto, está dirixido a todos os veciños/as, non hai límite de idade para participar e para evitar desprazamentos impartirase como ata agora, nos locais sociais.

Máis información nos Servizos Socias do concello ou chamando ao 988290000.

Novos cursos de iniciación á informática

Nos vindeiros días comezarán novos cursos de iniciación á informática e internet.

Estes cursos van dirixidos a adultos sen coñecementos de informática que queiran aprender o funcionamento básico dun ordenador e a navegar e comunicarse por internet.

Os interesados en participar nestes cursos deberán comunicalo na biblioteca ou no concello.

As clases teñen unha duración dunha hora e impártense dous días a semana no horario que mellor conveña ós alumnos, normalmente a última hora da tarde.

Dende eiquí pedimos a vosa colaboración para lograr a máxima difusión destes cursos.

Horario da biblioteca

Coincidindo co peche das piscinas municipais e coa volta ao cole a biblioteca cambia o seu horario de apertura. A partir do luns, 13 de setembro, voltaremos a abrir polas tardes:

• De luns a venres
• De 17:30 a 20:30 horas.

Prescolar na casa

¿Preocúpache a educación do teu fillo ou da túa filla?

O programa "Prescolar na Casa" ofrece ás familias a posibilidade de profundizar no desenvolvemento dos nenos e das nenas, encontrarse con outras familias e encontrar ós nenos con outros nenos e adultos.

Está dirixido a todos os nenos de entre 0 e 6 anos.

Se queres participar nas actividades do programa, acude

• Lugar: local social de Esgos
• Data: mércores, 15 de setembro
• Hora: 10:30 horas

Para máis información:
Servizos sociais do concello (988290000)
Fundación Prescolar na casa ( 982216001, correo@prescolarnacasa.org, www.prescolarnacasa.org)

Peche das piscinas municipais

Durante o que queda de semana e ata o domingo 12 de setembro as piscinas municipais estarán abertas de 15:00 a 20:30 horas.

O domingo 12 de setembro pecharán ata o verán do 2011.