Apúntate a excursión a Aquapark

EXCURSIÓN

A concellería de cultura do concello de Esgos organiza para o vindeiro 23 de xullo unha excursión ó Aquapark de Cerceda (A Coruña).

Os nenos menores de 10 anos deberán ir acompañados dun adulto.

O prezo, que inclúe o autobús e a entrada, é de 5 euros para empadronados e 10 euros para non empadroados.

Máis información e inscripcións nas oficinas do concello ou chamando ó 988290040. O prazo para inscripción remata o 19 de xullo.

Demostra o que sabes de... ortografía

Hoxe vamos a repasar un pouco de ortografía facendo uso de aplicacións que se poden atopar en internet.

O xogo consiste en escribir correctamente unha serie de palabras.

Para comezar, cada grupo deberá escoller unha lista do seguinte Listado de palabras e completalas correctamente.

Pero, para demostrar o que sabemos, debemos completar correctamente todas as palabras que nos propoñen neste concurso. Cada fallo que cometamos, acompáñano dunha pequena explicación.

Xa sabes, ¡demostra o que sabes!

Cine de verán

Este mes de xullo, dentro da programación do cine de verán de Caixa Nova no concello proxectaranse duas películas:


Película: The Holiday


Lugar: Vilar
Data: Mércores, 16 de xullo
Hora: 22:30

Película: Nacido para molar

Lugar: Esgos
Data: Xoves, 31 de xullo
Hora: 22:30




Nos dous casos, en caso de choiva, a película proxectarase nos centros sociais.

Cursos de firma electrónica e DNIe

A mancomunidade de concellos da comarca de Ourense, a través da sua páxina web http://www.mancourense.es/ ofrece acceso directo ás web dos concellos que forman esta mancomunidade, un listado de todos os servizos que se poden realizar coa administración a través de internet, e acceso a unha plataforma de formación.

A través desta plataforma de formación, 25 veciños de Esgos están a realizar dende a semana pasada un curso online de firma electrónica, en horario de 20:30 a 22:00 de luns a venres. Neste curso aprenderán que é e para que sirve unha firma electrónica, cómo conseguila e cómo utilizala, os servicios dispoñibles a través de internet, e cómo usar o DNIe.

Ó rematar este curso, faremos un máis breve de comercio electrónico.

Horario de verán do telecentro

Durante o verán, como xa ven sendo habitual, o telecentro abrirá polas mañás, no seguinte horario:

De luns a venres de 8:30 a 14:20 horas.

Os sábados de 10:30 a 14:00 horas

Polas tardes, de 20:30 a 22:00 horas, séguense impartindo cursos.

Entrega de diplomas do taller de memoria

Onte pola tarde, o alcalde, Milagros (a concelleira), Silvia (asistente social do concello) e Pedro (o profesor) entregaron os diplomas a todos os participantes no taller de memoria que se viña celebrando dende o pasado mes de outubro.

No taller participaron ó redor de 70 veciños, na sua maioría mulleres, de todos os pobos do concello.

Ó remate do acto de entrega de diplomas, o concello tiña unha sorpresa para todos os asistentes: unhos pinchos e unhos refrescos para todos.

Neste ambiente máis distendido, algunhos non perderon a ocasión de decirlle ó alcalde que estaban encantados con esta actividade e que queren repetir. Así que as frases máis oidas onte eran: "esto veunos moi ben", "hai que repetir para o ano", "este profesor é unha maravilla"...

¡¡ Un éxito !!

Piscinas

A semana pasada abriron as piscinas municipais en horario de 12:00 da mañá a 21:00 horas.

O precio segue sendo o mesmo do ano pasado, 1 euro. Os veciños poden sacar un bono para todo o verán como se ven facendo dende que abriron as piscinas (10 euros para residentes e 20 euros para os non residentes).

O luns, 14 de xullo, polas mañás, comezarán cursos gratuitos para aprender a nadar impartidos pola socorrista. Todos os que se queiran apuntar, deberán falar con ela.

Se queres darte un baño, tomar o sol, ou simplemente tomar algo no bar, achégate ata as piscinas.

Fotos II Subida Rocas - O Eirado

A continuación podedes ver algunhas fotos máis da carreira de montaña celebrada en Esgos o 8 de xuño de 2008.

View Upload your own

Andaina 2008

A continuación podedes ver algunhas fotos máis da II andaina celebrada en Esgos, o domingo 8 de xuño de 2008.

View Upload your own

Espero que vos gusten.

Fotos da II Andaina popular de Esgos e II Subida Rocas - O Eirado (Carreira de montaña)

Máis de cincocentas persoas participaron onte na II andaina popular e II Subida Rocas - O Eirado (carreira de montaña do campeonato galego).

Pese a que a choiva fixo acto de presencia no primeiro tramo da andaina, os participantes non se desanimaron e fixeron o recorrido que estaba fixado, eso sí, con moito, moito frío.

Eiquí podedes ver un pequeno adianto das fotos que se publicarán na web do concello http://www.concelloesgos.com/