Curso de primeiros auxilios

A "AAVV Rocas" organiza un curso de primeiros auxilios que están a impartir voluntarios da Cruz Vermella de Ourense os sábados pola mañá de 9 a 13 horas.

Este curso conta con 11 alumnos, algúns deles, membros de Protecion civil de Esgos.

III Convocatoria de cursos de iniciación á informática

A semana pasada comezaron novos cursos de alfabetización informática ós que asisten 13 alumnos dous días a semana, distribuidos en dous grupos.
Nas clases, que se prolongaran ata primeiros do mes de abril, os alumnos aprenderan o manexo básico dun procesador de textos e a navegar por internet, busgar información e a manexar o correo electrónico.
Tivemos que esperar ata a terceira convocatoria de cursos para que o número de homes superara ó de mulleres, porque ata agora sempre viñan máis mulleres ca homes. E para que se animara a vir xente que vive noutros pobos do concello.

Os martes e xoves durante unha hora ó día veñen a clase 4 homes e 2 mulleres, de Soutelo, Rebordiños, Alto do Couso, A Touza, Porta do Sol e Esgos.

E os luns e mércores veñen 4 homes e 3 mulleres, con edades comprendidas entre os 23 e os 53 anos. Este grupo tamén conta con membros de varios pobos, como Vilar, Meiroas, A Lama, A Cabalgada e Esgos.

Publicidade dos cursos en Internet

O portal de telecentros que é a páxina de inicio de Internet en todos os telecentros de España publica esta semana a nova dos nosos cursos de alfabetización informática e fotos da última entrega de diplomas.

Co fin de dar a coñecer as actividades que se están a levar a cabo dende o telecentro publicouse unha nova na web do xornal "La Región" no apartado de "Noticias de los lectores" sobre os últimos cursos que se impartiron durante os meses de decembre e xaneiro de 2008.

Pódense ler as noticias facendo clic na imaxe.

Entrega de diplomas

O martes o alcalde entregou os diplomas ós alumnos dos dous últimos cursos de alfabetización informática.


Na foto podedes ver a Alejo, que ós seus 81 anos se animou a participar.
Nunca é tarde para aprender.

Dia europeo por unha Internet máis segura

O 12 de Febreiro celébrase o "Dia Europeo por unha Internet máis Segura". A páxina oficial é http://www.internetsegura2008.es/.

Dende o portal do menor http://www.portaldelmenor.es/ propóñense varios concursos con este tema que rematan o 18 de febreiro.
Un deles consiste en cubrir un cuestionario sobre as normas básicas en Internet, envialo por correo electrónico antes do día 18 para participar no sorteo dunha memoria USB de 2 GB.
Outro dos concursos propostos consiste en enviar un "micro" relato sobre internet. O premio será un Play Pack de Movistar con un Nokia 5070 co xogo de Sonic preinstalado.

Aproveitando esta situación, dedicaremos esta semana a participar nestas actividades e concursos, e a todos os menores de 18 anos que visiten o Telecentro entregaráselle un documento coas normas básicas de seguridade.

Martes de Entroido

O martes de entroido, ás 5 da tarde houbo desfile de entroido con premios.

O primeiro premio levárono "Os Tarreirigos": O tratante de gando, as vacas e o boi, que era moi manso...



O segundo, levárono "Os agasallos":


O tercerio, foi para a "Galescola":




E o cuarto levárono os "Felos":
Nos próximos días publicaránse máis fotos na páxina do concello e no Telecentro hai moitas máis, así que só tendes que pasar por aquí e facer copias das que queirades.

Domingo de Entroido

O desfile e o concurso de disfraces do domingo tivo que cambiarse para o martes polo mal tempo, pero os felos e as madamas desafiaron á choiva e "pasearon" todo o día polos pobos do concello.

E non podían faltar as "madamas":

Cartel do Entroido 2008

Domingo 3 de Febreiro ás 17:00 na praza da Souteria haberá un desfile de disfraces e carrozas.

Haberá regalos para os nenos DISFRAZADOS e merenda para todos os asistentes.
Os participantes no concurso de carrozas e grupos numerosos deberán anotarse no Concello antes do 1 de Febreiro.

Premios do concurso:
Mellor traxe de felo: 50 euros
Mellor individual: 40 euros
Mellor grupo reducido (ata 8): 60 euros e un coello

Premios para carrozas e grupos numerosos:
1º clasificado: 100 euros e un cabrito
2º clasificado: 100 euros e un cordeiro
3º clasificado: 80 euros e un relliño
4º clasificado: 60 euros e un polo

"Jóvenes en red". Plan avanza

Si es menor de 30 anos e queres ter a tua propia páxina en internet estás no sitio adecuado.

A través do programa "jóvenes en red" podes rexistrar de balde o teu propio dominio .es, sin costes durante o primeiro ano; e crear a túa propia páxina web, de maneira sinxela.

Toda a información pódela encontrar en http://www.jovenesenred.es/ e no Telecentro.

Os Reis Magos

O pasado día 5 os Reis Magos visitaron o noso concello e repartiron caramelos por todos os pobos, a grandes e nenos.


Ás 4:30 da tarde tiñan unha cita con todos os nenos na Souteira, e ainda que chegaron un pouco tarde, cumpriron con todos os presentes e repartiron regalos ós nenos que participaron no concurso de tarxetas de Nadal.