A partir de hoxe luns 20 de abril, os lectores da biblioteca poderán acceder ao “Banco de Contidos” de AulaPlaneta. Este recurso electrónico é o maior banco de contidos dixitais en lingua española e diríxese tanto ao público adulto como ao infantil e xuvenil. Conta con innumerables materiais de consulta de todas as áreas do coñecemento e cunha ampla oferta audiovisual (galería multimedia con fotos, vídeos, interactivos, audios…) que fai del un contorno educativo adaptado ás necesidades actuais do alumnado.
Os usuarios da biblioteca poden acceder a este recurso a través da web http://www.opacmeiga.rbgalicia.org/Biblioteca.aspx?CodigoBiblioteca=OBM021 (sección "Recursos web" e, dentro dista, "Recursos electrónicos") identificándose co seu código de usuario (é dicir, o número de carné da biblioteca) e o seu contrasinal.
Ademais de ao "Banco de Contidos" tamén se pode acceder actualmente aos seguintes recursos:
- E-Junior.net: enciclopedia electrónica dirixida aos rapaces de primaria e primeiro ciclo de secundaria, adecuada aos contidos curriculares que se desenvolven nestas etapas.
- I-Conoce: servizo de novas aparecidas en medios dixitais de todo o mundo : prensa, publicacións especializadas en economía, deporte, tecnoloxía... , blogs e confidenciais.
- Gale Virtual Reference Library: plataforma que contén obras de referencia en formato electrónico en español.
No hay comentarios:
Publicar un comentario