Reunión das Mulleres Rurais

O presidenta da asociación de mulleres rurais "Os Picotiños" convoca a todas as mulleres a unha reunión para planificar os cursos do vindeiro ano.

• Lugar: Local social de Esgos
• Data: sábado, 5 de decembro
• Hora: 18 horas

Nova web do concello

A web do concello de Esgos estrea hoxe unha nova imaxe, máis moderna:

Ainda que faltan algunhos contidos, que se irán engandindo ó longo dos vindeiros días, xa podedes ir votándolle un vistazo, e claro, deixando eiquí os vosos comentarios e opinións.

Os cambios sempre orixinan un pouco de "desconcerto" pero espero que vos guste.

Xogomóbil

O vehículo Xogomóbil volverá a estar no noso concello.

Esta é unha actividade gratuita para nenos de entre 4 e 14 anos, que consiste en xogos informáticos e de lecer.

• Lugar: Vilar, ó carón do local social
• Data: Martes 17 de novembro
• Hora: A partir das 5 da tarde

Para máis información podedes chamar ó concello 988290000.

Animádevos e non faltedes.

Magosto 2009

O pasado domingo celebrouse na praza da Souteira o magosto do concello. Citouse á xente para as 13 horas para "coller o sitio" e ás 13.30 comezouse a servir a comida.

Os preparativos

Os comensales

Nun primeiro momento parecía que non ia vir moita xente, porque o tempo non acompañaba, pero ó final non choveu e a xente animouse.

¿Do menú que imos dicir?

Para comezar: empanada
Para fartar: chourizos e churrasco
De postre: castañas, bica, café e chupito

¿A música? Os Airiños de Caldelas, como non...

¿A participación? Moi boa... unhas 350 entradas vendidas, máis os menores de 12 anos, máis os voluntarios que serviron a comida.

Seminario "Importancia das TIC nas dinamizacións dos negocios"

A finais deste mes de novembro, ainda falta por fixar a data, celebrarase un seminario sobre a importancia das tecnoloxías da información e a comunicación nas empresas.

Trátase de explicarlle aos pequenos empresarios ou traballadores a aplicación real que poden ter as novas tecnoloxías no seu negocio, o beneficio que isto pode supor, e introducilos a cómo facelo.

O seminario ten unha duración de 5 horas, distribuidas en dous dias. Ó finalizar entregarase un diploma oficial acreditativo.

Os interesados deberán anotarse no concello ou no telecentro, xa que é necesario cubrir un mínimo de prazas.

Obxectivos do seminario:

1. Sensibilizar da importancia do emprego das novas tecnoloxías da información e a comunicación.
2. Achegar ao ámbito rural as oportunidades que tódolos negocios poden ter nas TIC.
3. Promover a minimización de brecha dixital nos negocios galegos.
4. Dar a coñecer vantaxes que aportan o uso das TIC en materia de abaratamento de custos, fronte a situación actual de crise económica.

Desenrolará as seguintes epígrafes:

1. Diagnose da situación actual dos sistemas de información e comunicación nos negocios.
2. Análise da localidade de impartición en relación ás TIC.
3. Diagnose da pequena empresa fronte as novas tecnoloxías.
4. Identificación de oportunidades, necesidades e alternativas.
5. Tecnoloxías TIC sen custe nas organizacións.
6. Comercio electrónico.
7. Marketing virtual.