Entrega de diplomas

Despois de dous meses de clases, os alumnos dos cursos de informática recibiron hoxe os seus diplomas de man do alcalde.

So me queda darvos as grazas a todos por participar, e agardar que practiquedes o aprendido.

Obradoiro de memoria

Dende o Concello estase a realizar un obradoiro de memoria que engloba diferentes temas como TALLERES DE ESTIMULACIÓN DE MEMORIA, NUTRICIÓN, RELAXACIÓN E RESPIRACIÓN.
O obradoiro é totalmente gratuíto e está dirixido a todos os veciños/as sen límite de idade. Co fin de limitar os desprazamentos, estase a realizar nos diferentes locais sociais dos pobos: O Pinto, Esgos, Lobaces - Gomariz, Pardeconde - Quinta do Monte.

Máis información nos Servizos Sociais do Concello ou chamándo ó teléfono 988 29 00 00.

Magosto 2007

Hoxe celebrouse o Magosto do concello de Esgos, na praza da Souteira.

Houbo empanada, churrasco, chourizos, e de postre bica, licor café, café e como non, castañas asadas.

Próximamente publicaranse as fotos na páxina web do concello.

Nova convocatoria de cursos

Durante estes días estase a distribuir polos pobos un novo aviso, no que dende o Concello se anima ós veciños, sexa cal sexa a súa idade a participar nos cursos de Internet.

Se coñeces a alguén que poida estar interesado non dubides en animalo para que se pase polo Telecentro.

No mes de decembro comenzarán dous novos cursos de Internet. Cada curso impartese dous días á semana (1 hora ó día) durante un mes, en horario de 20:00 á 21:00 para que poida asistir o maior número de persoas.