Contos ao revés

Hoxe na biblioteca puidemos desfrutar dos "Contos ao revés" de Xanela Ocio, dentro do programa Ler conta moito.

Asistiron 22 nenos e nenas e 16 adultos que escoitaron como os heroes tamén poden ser mulleres e como os lobos poden ser bos.

Curso de gaita, percusión e pandereta.

O vindeiro sábado 10 de outubro comeza unha nova edición do "Curso de gaita, percusión e pandereta".

As clases, que están dirixidas a nenos e adultos, se impartirán os sábados ás 15:30 horas no local de O Pinto.

Máis información nas oficinas do concello.

Educamóbil

O vehículo EDUCAMOBIL estará este mes en Esgos para que os nenos de entre 4 e 11 anos podan disfrutar dun intre de xogos informáticos e de lecer.

Lugar: Praza da Souteira, Esgos
Dia: Venres 2 de outubro
Hora: De 16:30 a 20:00 horas

Este servizo é gratuito. Máis información nos servizos sociais do concello.

Contacontos "contos ao revés"

O xoves 17 de setembro ás 18:00 horas poderemos desfrutar dunha tarde de contacontos, enmarcado no programa de animación á lectura Ler conta moito, da Secretaría Xeral de Cultura.

Contos ao revés, de Xanela Ocio é un espectáculo que fomenta a igualdade e o respecto, cheo de historias onde as bruxas son boas e os príncipes feos...

AVISO: ESTE CONTACONTOS CAMBIASE PARA O MÉRCORES 30 DE SETEMBRO ÁS 18:30 HORAS.

Cambio de horario

A partir do luns 7 de setembro a biblioteca estará aberta en horario de tarde, de 17:30 a 20:30 horas.

Agardámosvos!!

Fin do campamento de verán

Rematou o campamento de verán! Máis de 50 nenos e neas se beneficiaron deste servizo que ofrece unha maneira entretida de pasar as mañás do verán.

Ademais de diferentes xogos, bailes, manualidades, etc, visitamos o Mosteiro de San Pedro de Rocas, participamos na campaña "Separemos ben, reciclaremos mellor" de Sogama, asistimos a clases de cociña, visitamos ós maiores que viven na residencia de Esgos, paseamos pola senda do río Grañal e aprendemos nocións básicas sobre a pesca, subimos ás motos da Guardia Civil de Tráfico e aprendemos sobre educación vial, visistamos a Alfarería Alto do Couso, asistimos a unha clase sobre hixiene dental, representamos unha obra de teatro de despedimos o verán cunha festa.

Doar sangue

O Centro de Transfusión de Galicia desprazará unha unidade móbil ata Esgos para que os que así o desexen poidan doar sangue.

Data: Xoves, 13 de agosto
Horario: De 12:30 a 14:00 horas
Lugar: Ao carón do centro de saúde de Esgos

Separemos ben, reciclaremos mellor,

A aula móbil da campaña "Separemos ben, reciclaremos mellor" de Sogama estivo hoxe en Esgos. Os nenos e nenas do campamento urbán aprenderon sobre reciclaxe a través de diferentes xogos.

Os monitores de Sogama tamén informaron ós veciños sobre como separar os residuos correctamente.

Educamóbil

O vehículo EDUCAMOBIL estará este mes no Concello de Esgos para que os nenos de entre 4 e 11 anos podan disfrutar dun intre de xogos informáticos e de lecer.

Lugar: Praza da Souteira, Esgos
Dia: Venres 3 de xullo
Hora: De 9:00 a 13:00 horas

Este servizo é gratuito. Máis información nos servizos sociais do concello.

Campamento de verán

O luns 6 de xullo comezará o campamento urbano de verán. Este campamento está dirixido a nenos e nenas de entre 4 e 12 anos.

HORARIO: De luns a venres de 10:30 a 13:30 horas

PREZO: Para os nenos empadroados o campamento será gratuíto e para os non empadroados terá un custe de 10 € en concepto de matrícula para o mes de xullo e 10 € para o mes de agosto.

Ademais este ano, contaremos tamén cun servizo de acollida previo ó horario de campamento para as familias traballadoras.

Máis información nos servizos sociais ou na biblioteca.