Taller de costura e patronaxe

A A.VV. Rocas está a organizar a segunda edición do "taller de costura e patronaxe", que comezará o sábado día 3 de outubro.

• Lugar: Centro social de Esgos
• Horario: de 19.00 a 20.00 horas
• Custe: 5 € / mes, a ingresar na conta da A.VV Rocas en Caixanova

Mudanza no telecentro

Hoxe pola mañá realizamos unha doble "mudanza" no telecentro: pasamos do satélite ó ADSL e cambiamos o telecentro para o baixo do concello.

Agora o telecentro e a biblioteca comparten espazo.

O horario de apertura segue a ser de 17.30 a 20.00 horas.

Esperemos que os cambios sexan para ben...

Aviso para navegantes: Os que "usabades" a wi-fi do telecentro dende fóra, agora tendes que aparcar noutro lado, porque esa antena deixou de emitir. Podedes utilizar a Wi-fi da biblioteca (aparcar cerca do concello).

Obradoiro de "Vida saudable"

HÁBITOS DE VIDA SAUDABLE

• DATA DE CELEBRACIÓN: 7 de outubro (mércores)

• HORARIO: De 16.00 a 20.00 horas

• LUGAR: Local social de Esgos

• DESTINATARIAS: Mulleres

• CONTIDO: A través de esta charla tratarase de orientar sobre hábitos alimenticios saudables; previr sobre posibles patoloxías e transtornos alimentarios; coñecer os ingredientes dunha dieta saudable; coñecer os efectos nocivos do tabaco; ofrecer orientacións sobre a preveción do consumo de tabaco; coñecer a utilidade do exercicio físico diario para mellorar a calidade de vida e ofrecer ferramentas prácticas para a práctica de exercicio físico.

• PLAZO: As interesadas deberán anotarse no concello (servizos sociais) ou no Telecentro antes do 7 de outubro.

Novo horario do telecentro

A partir do mércores 16 de setembro, o telecentro volverá a estar aberto polas tardes no seguinte horario:

De luns a venres de 17.30 a 20.00 horas

Festa do emigrante 2009

A "Festa do Emigrante 2009" congregou na praza da Souteira a centos de veciños. Na galeria fotográfica da web do concello www.concelloesgos.com publicaranse fotos deste dia, pero de momento, vai un pequeno adianto.

Ó remate, repartíronse 600 racións de arroz con leite na "IV Festa do arroz con leite".


A comisión de festas do 2009 sortea un televisor de plasma e aproveitaron o dia para vender rifas.

Coches de choque en Esgos

Este ano, as festas de Esgos contan con unha novidade:"Os coches de choque".

Os feirantes están instalando a pista na coñecida como "finca do cura", por detrás do concello.

Xa hai ambiente de festa !!!

Programa festas Esgos 2009

Chegou o ADSL.... ¡Por fin!

Despois de que se instalara o ano pasado a fibra óptica, por fin se pode contratar o ADSL en Esgos. Xa era tempo!!!

O primeiro ADSL de Esgos xa está instalado e funcionando dende onte.

Para comprobar se está dispoñible o servizo para un número de teléfono en concreto, chamar ó 1004 ou a través de www.telefonica.es. De todos modos é necesario que un técnico visite o domicilio para verificar que o servizo está realmente dispoñible.

A través da páxina web de telefónica comprobamos que para números de teléfono do núcleo de Esgos, A Lama, Tarreirigo e Alto do Couso o servizo está dispoñible.

A Banda de Gaitas consigue o cuarto posto la Liga

A Banda de Gaitas do Concello de Esgos conseguiu o cuarto posto no primeiro grao da Liga Galega de Bandas de Gaitas o pasado domingo en Manzaneda.

A TVG cubriu este evento e pódese ver o video do avance informativo da TVG (minuto 33:37) e o video da nova da TVG.

Noraboa a todos!

A banda de gaitas actuará en Manzaneda

A banda de gaitas do concello de Esgos participará no primeiro grao da derradeira fase de Liga Galega de Bandas de Gaitas que terá lugar en Manzaneda o domingo 2 de agosto.

A actuación da banda de Esgos será ás 13,20 horas.

Esperan acadar un bo posto, xa que nas fases anteriores acadaron as primeiras posicións.

¡Sorte!