Test para pasar o rato

Hoxe propóñovos para pasar o rato, realizar unhos test para comprobar a vosa intelixencia e a vosa rapidez mental.

O test de intelixencia consta de 10 preguntas. Tamén podedes intenter contestar ás preguntas de axilidade mental para comprobar a vosa rapidez mental.

Dia do libro

Co gallo da celebración o 23 de abril do "Dia do libro" hoxe pola tarde, no telecentro regalaremos un libro a cada un dos usuarios que acudan a navegar por internet.

Esperamos que esta iniciativa sexa do agrado de todos.

¿Como buscar traballo en internet?

O telecentro pon en marcha polas tardes, talleres individuais de búsqueda de emprego, nos que poderán participar as persoas que o soliciten.

Estes talleres teñen unha duración estimada de 4 horas, que se distribuirán como mellor conveña ó usuario.

Trataranse os seguintes temas:

• Creación do curriculum
• Visita a diferentes portais de búsqueda de emprego
• Rexistro nun portal de búsqueda de emprego
• Búsqueda de ofertas de emprego

Mais información no concello e no telecentro.

Curso "Coidador/a socio-sanitario de atención a persoas dependentes en institucións sociais"

Dende a semana pasada 10 mulleres participan no curso "Coidador/a socio-sanitario de atención a persoas dependentes en institucións sociais" no local social de O Pinto, en Esgos.

As persoas seleccionadas realizarán un itinerario formativo durante 5 meses, dos que 2 meses estarán adicados á formación teórica e os outros 3, á práctica. Para realizar a formación práctica as personas incorporaranse nunha empresa do sector e participarán directamente nas suas actividades diarias.

A formación teórica tamén inclúe un módulo de novas tecnoloxías.

Excursión a O Grove (A Toxa)

A AA. de VV. Rocas (Esgos) e a AA. Rezomilo (Vilar) organizan unha excursión a O Grove (A Toxa) para o domingo 24 de maio.

A viaxe inclue:

• Almorzo
• Participación nunha amena demostración publicitaria (1 hora)
• Comida
• Visita ó porto do Grove, onde subirán a un barco acristalado para ir ata a ria de Arousa
• Merenda na ria de Arousa
• Visita a Illa de A Toxa e a sua fábrica de xabóns.

Prezo por persoa : 15 €

As reservas deben facerse antes do 15 de maio.

O telecentro volve abrir polas tardes

A partir de mañá mércores, 1 de abril, o telecentro volverá estar aberto polas tardes de luns a venres.
En canto non se programen cursos de informática, o horario será de 17.30 horas a 21.00 horas.

Esperámosvos a todos !!!

Punto de información do servicio galego de colocación

Dende hoxe os veciños de Esgos e incluso os de outros concellos xa poden renovar a demanda de emprego sen ter que desprazarse a Ourense, gracias ó punto de información do servicio galego de colocación que se instalou no concello.

Para poder facer este trámite é necesario dixitalizar a pegada no concello.

O Punto de información está situado no primeiro andar do concello, ó lado das oficinas municipais, onde poderán atopar máis información.

Tiro ó plato

O ano pasado a asociación de cazadores "Os tarreirigos" organizara un dia de tiro ó plato. Debido ó éxito de participación que tivera esta xornada, o concello tomou nota e organizou para onte domingo, unha xornada de tiro ó plato no campo de tiro de Rocas.

Na seguinte foto pódese ver a un grupo de participantes:

Na xornada, que comezou ás 11 da mañá e se prolongou ata as 19.30 horas, realizáronse 14 tiradas.

Todos os que así o quixeron puideron disfrutar tamén dunha comida campestre no mesmo campo de tiro.


Pola tarde xuntouse no campo gran cantidade de público.

Taller de 060.es

O pasado xoves pola tarde un monitor de red.es impartiu no telecentro un taller sobre a web www.060.es ó que asistiron unha dúcia de veciños.

EDUCAMOBIL

O vehículo EDUCAMOBIL estará este mes en Esgos para que os nenos de entre 4 e 11 anos podan disfrutar dun intre de xogos informáticos e de lecer.

• Lugar: Local social de Vilar
• Dia: Venres 27 de marzo
• Hora: De 16.30 a 20.00 horas

Este servizo é gratuito. Máis información nos servizos sociais do concello.