Taller de exercitación da memoria

O xoves 3 marzo comezamos unha nova edición do taller EXERCITACIÓN DA MEMORIA, que se impartirá os xoves ás 18:15 horas no local social de O Pinto.

Esta actividade é gratuita e está dirixida a todos os veciños e veciñas sen límite de idade.

Premios do concurso de entroido

Premios especial carrozas e grupos numerosos:
1º clasificado: 100 € + Xamón

2º clasificado: 80 € + Cachucha

3º clasificado: 70 € + Lacón

Premios Individuais:
1º individual adultos: 40 €

2º individual adultos: 20 €

1º individual Infantil: 40 €

2º individual Infantil: 20 €

Grupos reducidos
1º premio: 60 €

2º premio: 40 €

3º premio: 20 €

Cambio de horario da biblioteca durante o entroido

O luns e o martes de entroido a biblioteca estará aberta ó público pola mañá no canto de pola tarde.

O horario para estes dous días será de 11:00 a 14:00 horas. O mércores voltaremos ó horario de costume.

Festival Pórtico do Paraíso

Dentro do festival musical Pórtico do Paraíso poderemos desfrutar no mosteiro de San Pedro de Rocas do concerto de Emilio Villalba e Sara Marina o sábado 5 de marzo, ás 17:00, ás 18:00 e ás 19:00 horas.

Debido ó  aforo limitado (máximo de 40 personas) os veciños interesados en asistir poderán reservar plazas nas oficinas municipais.

Programación do Entroido 2016

PERCORRIDO FELOS E MADAMAS: Domingo 7 de febreiro

SAÍDA DE ESGOS ÁS 9:30 h

09:40h -  TARREIRIGO
10:15h -  VILAR
11:00h -  LOBACES
11:40h -  GOMARIZ
12:10h -  LOÑA DO MONTE
12:40h -  CERNADA
13:10h -  QUINTA DO MONTE
13:40h -  MELON ALTO
14:10h -  MELON BAIXO
14:40h -  MEIROÁS
15:10h -  TOUZA
15:40h -  FONDODEVILA - CASANOVA
16:00h -  PARDECONDE
16:30h -  PARADELA
17.00h -  ALTO DO COUSO
17:30h -  ESGOS (desfile e concurso na praza da Souteira)
19:00h – Residencia de maiores de Esgos


NOTA: Os horarios de chegada a cada pobo son aproximados, dependendo do tempo e do retraso que poida haber dende a saída.


DESFILE E CONCURSO: Domingo 7 de febreiro ás 17:30 h na praza da Souteira, Esgos.

Premios Individuais:

• 1º individual: 40 € 
• 2º individual: 20 € 
• 1º individual Infantil: 40 € 
• 2º individual Infantil: 20 € 

Grupos reducidos

• 1º premio: 60 € 
• 2º premio: 40 €
• 3º premio: 20 €

Premios especial carrozas e grupos numerosos:
1º clasificado: 100 € + Xamón
2º clasificado: 80 € + Cachucha
3º clasificado: 70 € + Lacón

Escola de xadrez en Esgos

A Deputación de Ourense pon en marcha en Esgos a Escola Deportiva de xadrez, dirixida a e nenos/as e mozos/as de entre 6 e 18 anos.

Como é coñecido, o xadrez constitúe un medio idóneo para o desenvolvemento dunha serie de factores que interveñen directamente na formación dos máis xóvenes: cálculo mental, manexo e utilización de elementos xeométricos, concentración, imaxinación, creatividade, intuición, repeto, empatía, xustiza, paciencia, etc.

De xaneiro a xuño, 1 día á semana cun custe de 9€/mes

Máis información nas oficinas municipais ou na biblioteca. Teléfono 988290000

Diccionario galego en liña

A Xunta de Galicia pon a disposición da cidadanía o acceso gratuíto ao dicionario en liña Digalego http://digalego.xunta.gal/digalego/

O Digalego contén máis de 65.000 entradas, o que o converte nunha das ferramentas máis completas e actualizadas do mercado lexicográfico galego.


Con esta iniciativa búscase promover o uso do galego entre todos os sectores profesionais, así como a aprendizaxe de outras linguas desde o idioma propio de Galicia e a difusión exterior do galego

Vacacións de Nadal

A biblioteca estará pechada dende o xoves 24 de decembro ata o dia de Reis.

O xoves 7 de xaneiro voltaremos a abrir no horario habitual, de 17:30 a 20:30 horas.

Boas festas a todos!!!

Actividades de Nadal

O Concello de Esgos organiza diferentes actividades para este Nadal:

• Actuación musical de "Os do fuelle" na residencia de maiores de Esgos o 22 de decembro.

• Actuación da coral Camerata Auriense o domingo 27 durante a misa de 11 horas en Vilar de Ordelles

• Concerto de Nadal: Actuación da banda de gaitas e a escola de gaita no centro Cultural Parada Justel o domingo 27 ás 17:00 horas.

• XVI Concurso de postais para menores de 12 anos: Valorarase a orixinalidade e poderase empregar todo tipo de materiais. As postais deberán entregarse nas oficinas municipais antes do 30 de decembro. Non se recollerá ninguna postal despois desta data. Todos os participantes terán un agasallo.

• Pazolandia, evento infantil que convirte durante o Nadal o Pazo dos Deportes "Paco Paz" no maior parque de atraccións  de Galicia. Os que queiran asistir o luns 4 pola mañá deberán anotarse no concello antes do 29 de decembro. Esta actividade é gratuita para os nenos empadronados e ten un custe de 3€ para os non empadronados

• Visita dos Reis Magos: Martes 5 ás 11.30 horas no centro cultural Parada Justel, os Reis Magos entregarán os premios do XVI Concurso de Postais.

Día Internacional para a Eliminación da Violencia de Xénero

Hoxe, 25 de novembro, celébrase en todo o mundo o Día Internacional para a Eliminación da Violencia de Xénero. Todas e todos debemos loitar para que sobre os maltratadores caia todo o peso da lei, a xustiza e o rexeitamento social, pois actos dese tipo non poden ter cabida nunha sociedade democrática.

Podes ver o vídeo da campaña "se hai saída é grazas a ti" en: https://www.youtube.com/watch?v=ZhezzlrFMR0.

Recorda que na biblioteca temos varios libros sobre como educar en igualdade e que esta semana traballeremos cos máis pequenos a igualdade de homes e mulleres, este ano a través dos xoguetes. Ainda que os xoguetes actuales fomentan máis a igualdade, seguimos comprobando como en moitos anuncios e campañas publicitarias se da un tratamiento sexista.

Tamén che propomos apoiar o dia internacional contra a violencia de xénero facendo un curso online gratuito con titulación do instituto da muller en http://escuelavirtualigualdad.es/como-inscribirse.php